12:15 م

مــجــرد حـــالـــه

بواسطه ســـهــــر



لما شفتك صدفة النهاردة حسيت ان عينيكى بتقولى هرد عليك


تعرف انى مأخدتش بالى انت بقيت شبه مين ؟
الآول ملامحك كانت مألوفة ليا
دلوقت حاسة انك شبة حد بحاول أفتكرة


سعيده معاة ؟

السعادة شىء نسبى مش
بس تعرف لو احنا من جوانا سعداء عمرنا مهنفكر نوصل كم السعادة اللى جوانا
للى حوالينا بمعنى اصح مش هنحاول نبذل مجهود عشان يشوفونا واحنا طيرين من الفرحة
افهم من كدة انك سعيدة معاة
المكشلة ان فى الوقت اللى الكل مستنى يشوف ملامح الفرح على وشك
والعينين المزئزئة وبتضحك م الفرحة
بتكون مليت تمثيل


يعنى مش سعيدة ؟


يعنى تقدر تقول ان وحشنى المطرة


غموضك وهروبك م اعترافك باللى جواكى لسة محيرنى
لحقتى تنسينى ؟
بسرعه ارتبطتى


لو كنت مستحوزنى حقيقى مكنتش كلمتك تانى دلوقت


مش فاهمك


ومن امتا فهمتنى ؟


حلوة شكل الدبلة فى ايديكى


الآحلى انها واسعه على ايدى مش خانقة صباعى
اصلى خلاص اتعودت او تقدر تقول قررت انى أسمع فيروز فى اى وقت
وانى مخنقش نفسى


بردوا مش فاهمك


هو عارف انك مودية جدا


لا هو عارف انى فى يوم هكون مراتة


هو عارف انك بتشربى اكتر من 5 فناجين قهوة فى اليوم


لالا هو عارف اننا هنبقا مع بعض فى بيت واحد


هو يعرف اية


يعرف كل اللى انت تعرفة عنى


حافظ يعنى ؟ معقولة بالسرعه دى

مش شرط علشان تعرف اسم حد وتاريخ ميلادة وبرجة اية
تحتاج اكتر من يوم او اتنين
مش قولتلك يعرف كل اللى تعرفة عنى

بس الزيادة فى كدة
انة عارف ان احتمال اكون مراتة

تحديث
البوست دة انا كنت كتبتة من حوالى 4 سنين ونشرتة من اكتر

من سنه واقرب حاجة لقلبى





اعلم انك لن تعشق سوايا
وان خزلنى القدر واحببت
ستعيش حتما على زكرايا
وستهديها كل هدايايا

لانك لن تعشق سوايـــا

وعندما تضحك معها ستبحث فى عيونها عن هوايا
وان جلست معها ستبحث عنى فى كل الزوايا
وان نظرت فى عيونها لن تجد فيها سوى بكايا

لانك لن تعشق سوايـــا

ستختار لها مكانى
وستظل وانت معها تتمنى رؤيتى ولن ترانى
وان غاصت هى فى قلبك
ستبكى

---
لانها سترانى

وان جلست انت وحدك ستتحدث مع خاطرك عنى لسنين
ولن تملنى
لثوانى
لانك لم تعرف العشق من قبل ان ترانى
ولالاف المرات ستتمنانى
ولكن يا من كان اقرب لى من كيانى
الم تعلم انك اضعت بيديك عنوانى !!

9:29 م

الله على احساس الرضا ياناس

بواسطه ســـهــــر








الله على احساس الرضا ياناس

الله على ضمه امى ليا



بصوا بقا هقولكم هحكى هحكى انا

بقالى فترة مكتئبة مخنوقة مهمومة

كل معانى الاحباط اللى لوحدها كفيلة تقعد الواحد فى بيتة سنه كاملة قافل علية بابة



لاقيت انى انانية اوى اية البواخة اللى انا فيها دى

طيب مشوف اللى حواليا اخبارهم اية

مبسوطين فى دنيتهم ولا مش مبسوطين



ماليش غير ماميتى حبيبتى هى اللى بقيالى بعد وفاة بابا



اتكلمت معاها حسيت انى بقالى اكتر من سنه معرفش عنها حاجة

ابتدت الكارثة وهى بتحكيلى الدنيا معنداها ازاى

واقفة اوى معاها



كان هاين عليا اقوم اخد بعضى وامسك نفسى بالبولغه القديمة

اقطع نفسى اولع فيها امسكها من شعرها واطردها برة بيتى



مسمعتش الكلمتين من ماما واكتفيت انى أعيط واندب

فكرت اة والله فكرت وقررت انى احل معاها المشكلة بتاعتها



تخيلوا ان ربنا الهمنى بحل لا كان ع البال ولا ع الخاطر


ماما عيطت من فرحتها لما لقت بنت قلبها هى اللى شيلاها

اة هى بتقولى يابنت قلبى



مبسوطة من نفسى اوى يخربيتى بجد



فرحانة عشان ماميتى باستنى وهى بتعيط وقالتلى مش عارفة من غيرك كنت هعمل اية

انا الدنيا كلها مش سيعانى

الله على احساس الرضا اللى بيجى فجأة



بس خد تعالا هنا انت وهى

دور على اللى حواليك هتلاقيهم محتاجينك اكتر من الكأبة اللى مصحباك

دور هتلاقى ناس محتاجة تسمع منك كلمة فيك اية احكيلى



لو مقدرتش تحل معاهم مشاكلهم هتقدر تساعدهم ع الاقل بالكلمة الحلوة



وبس خلاص

كلامى مش مرتب بس دة اللى جوايا


12:09 ص

مفيش فايده

بواسطه ســـهــــر








بعتذر على عدم ردى على التعليقات فى البوست اللى فات


لظروف ربنا وحده أعلم بيها لكن الف حمد وشكر لله على كل حال




حاجة بسيطة




( أول خطوه جد فى عمرى خايفة تكون غلطه عمرى )




وأخـــــيرا




ايها السادة لم يبق اختيار سقط المهر من الاعياء






1:18 م

انا متغاظة اوى يا بشر

بواسطه ســـهــــر




انا متغاظة اوى يا بشر
متغاظة ومفروسة وباكل فى نفسى
انا اتسرقت اة وربنا اتسرقت

حتت عيل ميكملش ال 7 سنين سرقنى
ماشية لا بيا ولا عليا فى امان الله وباكل لب
ابص الاقى حد دببببببببببببببب على ضهرى
يطلع عيل صغير بيقولى والنبى يا ابلة انا مكلتش من امبارح
ولا دوقت الاكل هاتى جنية اجيب سندوتش
انا كنت خلاص بتشحتف ع الواد
وقربت اخدة معايا ع البيت
قوووووووم اية مديلوش اللى فية النصيب وامشى لاء
اديتة كبشة لب اد كدة الاهى يتسممها البعيد
وبسالة على اهلة وازاى سيبينة كدة
وقطع فى قلبى اللى يتشك فى قلبة يارررررررررررررب
وحكالى حكاية ولا فيروز فى فيلم دهب
ان ابوة غفير مستنية بقالة ساعتين ومجاش
والنبى يا ابلة تكلمية قوليلة ياسر عايز يروح وجعان
طيب يا حبيبى باباك معاة موبايل
لا بس مع عم طلعت موبايل كلمية علية
وخدت من الواد الرقم
وفعلالالالالالالالالالالالالالالالالالالالالالالالالا
رد عليا حد والله وقولتلة انا معايا ياسر وهو مستنى بباة
قووووووووووووووووووووووووم اية الراجل يقولى طب ادينى ياسر
خد يا حبيبى كلم خد الموبايل الواد وكل شوية يبعد وانا اقول غلبااااااااااان
يمكن محروج منى ومرة واحدة يا خلق الواد اختفى فى غفلة منى وانا بجيب
كبشة لب تانية من الكيس
راح فين اختفااااا وابص مش لقياه
انا جالى صدمة رباعية وقفت بتاع ربع ساعه متنحه
هو اييييييييييييييية دة ؟ السرقة بقت علنى
واشمعنا انا يكنش الواد دة استهيفنى ؟
ولا قال دى معاها ربع ك لب بقا مش هيفرق معاها موبايل ؟
طيب مش صغير على انة يسرق دة
والله اعلم دى تمسيلية معمولة وصاحب الرقم اللى كلمتة معاة
ولا الواد اصلا حرامى صغير
معرفتش اعمل حاجة غير انى اطلع على فرع فودافون واسحب الشريحه
بس حاليا معايا الشريحه بس من غير موبايل
:(
انا مكسوفة من نفسى اوى ان حتت عيل ضحك عليا
هقول اية للناس ولصحابى ومعارفى ؟
هقولهم اية فى الحزب ؟
انا مقهوووووووووورة
خدوا بالكم واى حد يقابل حد اسمه ياسر ميأمنلوش

والواد دة طيب لما يكمل ال خمستاشر سنه هيكون مصيرة اية ؟

ماشاء الله مسجل خطر ؟


متغـــــــــــــــــــــــــــاظة أوى

12:15 ص

بتشــبهلى وبــشـبهــلك

بواسطه ســـهــــر


بتــــشـــبهلى وبشـبـــهـــلك

وســـكتنا مهــيش واحدة

ولو فى يــوم تغيب عنى هنتلاقا

مع الســــــــــــــلامة يا صـــــــــاحـــــــــبــى

سافــــ:)ــــــر بالســـــــــــلامة

روح وارجعلى تانى بنفس الابتسامة

انا هستناك يا صــــــــــــاحـــبى

مهما غبــــت عنى

وانت اكيد هترجع لآنك حتة منــــــــــ(L)ـــــــــــــى





ع الهامش أى حد لية صاحبة

وغايب عنه ياريت حالا يتصل يطمن علية

مين عالم بكرة الايام فيها اية مخبيا ليهم اية

بعد ولا سفر ولا جفا ولا اية ولا اية

مش شرط السفر الغربه والحدود

اوقات كتيرة بنسافر ونبقا ابعد بأميال

واحنا فى مكان واحد

الحقوا بعض قبل ميتغير فيكوا حاجة

ضموا قلوب بعض اوى دفوا بعض

كان فى كلام كتير عاوزة اقولة بس كلة طار منى


1:28 ص

يا رب

بواسطه ســـهــــر




انت لية سبتنى فى الدنيا كده

ليه سبت الكل يمرمط فينا

ليه قبل متسبنى معلمتنيش ان الدنيا دى مينفعش نعيش فيها

ليه موصتش اقرب الناس عليا

ليه محلفتوش بالله انه ميهنى

ليه يا بابا

طيب تعالالى فى المنام قولى اعمل ايه

انا هروح بكره ازروك مع انى عارفه انك كنت بتكره زيارة المقابر

هروحلك بكره وياريت يا بابا لو ينفع افضل معاك على طول

مش عايزه ارجع تانى

انا مبحبش الدنيا اللى احنا عايشنها دى

مبحبش انى اتهان يا بابا

هجيلك بكره بدرى استنانى بقا يابابا وقولى خاليكى متمشيش

يمكن ربنا يتقبل منك قولها من قلبك والنبى يا بابا

12:59 ص

محـــاولات

بواسطه ســـهــــر



لــن أقل أنى سأحيا على زكراك
فقط سأحيا على أمل أن ألقاك
لن أقنع نفسى مخادعه أن الآمل أتى حتى ولو كان بعيدا فى الآفاق
سأدرب نفسى على فلسفة الآشياء
فثمه أشياء تفقدنا أشياء
وثمه أشياء تنحرنا الى أشياء
لا تندهش فلم أعد انا الأنثى الهشــ
لا تندهش فمع مرور الايام تتقلص الآحلام
ــــــــــــــــــــــــــــ


حين طلبت منى أن استمع الى مقطوعه عمر خيرت
( الوداع )
نظرت اليك فى غضب
فقط لو كنت أعلم وقتها انك تدربنى على الحياة من دونك
لأخذت منك عمرى قبل أن ترحل
لآخذت منك حزنى
وتركت لك قلبى بدون جرح
لتركت لك قلبى عنوان للفرح
ـــــــــــــــــــــــــــــ



فى صندوقى ورقة
وفى الورقة كلمات
وفى الكلمات معانى كثيرة
بحثت و نظرت كثيرا
يا لسذاجتى
لم المح فيها كلمة وعد !!
ـــــــــــــــــــــــــــــــــ


حين صنعت لى فنجان القهوه المرّ
وتركت لك بقايا دموعى فى الفنجان
ونثرت أمامك أوجاعى
أنتظرت منك وعد أن غدا سيجمعنا لقاء
أن غدا برغم برد الشتاء
ستحيا معى فى الربيع
وحين لم تفعل
ادركت أنك لا تجيد سوى صناعه المرّ
كمرّ قهوه الفنجان
ــــــــــــــــــــــــــــــــــ



لماذا سميتها على أسمى ؟
ألم تخشى أنها تحمل نفس مصيرى ؟
تلذذت بالغياب
وفى الغياب لم أفوت صلاه وأنا أدعو لك
أن ينزع الله القسوه من قلبك
وأن يرزقك بطفلة لا تحمل منى
لا أسم ولا ملامح ولا مصير
فسوف أغير دعائى
سأدعوا الآن لتلك الطفلة التى تشبك كثيرا فى الملامح
والتى تشبهنى فى أسمى

ـــــــــــــــــــــــــــــــــــــــ


من الآن سأغير عاداتى
سأتدرب على اشياء صنعها القدر
سأشكر الله كثيرا
سأدعوا الله كثيرا
ان يأخذك الله من قلبى كما أخذك من عالمى
ــــــــــــــــــــــــــــ


النصيب هو هبه الله لنا
فلن انزعج بعد الآن
فقط سأقف بشغف لآنتظر كل هبه من الله لــــــــــى
ـــــــــــــــــــــــــــــ



أن جمعتنى بك صدفه وشعرت بالندم على
ودموعك على وشك أن تفضح ذلك الوجه الغريب
الذى لم أعد أعرفة ولم يعد يعنينى
فلا تشعر بالخذلان
فلقد نفذت منك كل المشاعر الساميه منذ أن رحلت من عالمك المرّّّّّ
ــــــــــــــــــــــــــ




5:38 م

حبو بعضن تركوا بعضن

بواسطه ســـهــــر






أفاقت بعد ليلة بائسة لم تدرى كم من الوقت بكت
ولكنها تدرك تماما أنها مخطئة
فمنذ البداية وهى تخشى تلك النهاية
منذ البداية تتوقع جميع النهايات المأساوية
ولكنها لم تتوقع نهاية اسوء من تلك النهاية


أيعقل ان يلفظها هكذا ؟
سؤال رددته كثيرا وحفظة الاصدقاء عن ظهر قلب

فقررت ان تبتعد عن الجميع لفترة لكى تستوعب تلك النهاية


تقرر ان تصنع فنجان قهوتها المعتاد
وتستمع الى فيروز وتستنشق هواء الصباح الممتلىء برائحه الشتاء التى تعشقها
كما تعشقة


فيتسرب صوت فيروز الى وجدانها

بديت القصة تحت الشتى بأول شتى حبوا بعضن خلصت القصة بتانى
شتى تحت الشتى تركوا بعضن
حبو بعضن تركوا بعضن

فتشعر بمرارة وتشعر بتلك الصداع الرهيب
التى اعتادته من يوم فراقة


فذهبت لتعد فنجان
قهوتها

اخذت الفنجان وتوجهت الى الاريكة ضمت الفنجان بقوة ليتسرب الدفء الى مسامها
فمنذ رحل ولا تشعر بدفء منذ رحل ولا تشعر بشىء
احساس مبهم هذا الذى يخلفة الفراق

احساس بالانقسام تارة والمرارة تارة
والصمت تارة

تقرر ان تستمتع
بقهوتها فعلى الاقل هى تستحق ان تسمتع بشىء تحبة

لم تمنع نفسها من التفكير فية برغم محاولاتها البائسة

فتتذكر كلما تلامست اطرافها وشعرت ببرودتها
جملتة المعتادة



برد ايديكى بيدفينى

وحينما يتوغل صوت فيروز الى وجدانها
تتذكر ايضا كم كان يكرة ذلك الصوت الملائكى
فكان يقول صوت
فيروز يشعرنى بأنها الآنثى الوحيدة التى تستحق عناء التفكير
وانا أكرة ان تكون فى حياتى أمراه تستحوذنى
فتذهلها كلماتة
وتتيقن انها لم تكن تمثل له شىء لا شىء على الاطلاق
فهو لا يريد ان تكون فى حياته أمرأه مهما كانت
فهو يستمتع بحريته

كلانا متفق على ان اى قصة حبه فاشلة حتما يوجد طرف لا يستحق الاخر

فمن لا يستحق من منا !!!

تقاطعها
فيروز

يا حبيبى شو نفع البكى !
شو الة معنى بعد الحكى !


وتتسرب دمعه حارقة صدقتى يا فيروز
لم يعد لنا على هذة الارض مره اخرى لقاء
لم يعد فى قاموس العاشقين لنا لا رثاء ولا مدح ولا هجاء



ولكن لماذا ظل معى قرابة الثلاث سنوات ؟
تحدث نفسها باكية
لماذا بعد كل هذا العمر يقرر وحدة
انه لا يقوا على الاستمرار
يقرر ان يبتعد


















ينتهى فنجان قهوتها وتذهب الى مرأتها ترى وجهها فتنزعج

ايعقل ان يخلفنى فراقة كل هذا البؤس

لا لا احد يستحق ان انعزل وانطوى واقتصر حياتى على زكراه
فليذهب حيث يشاء ولأستمتع قليلا بأيامى
ولا مانع ان اتذكرة من حين لأخر

فجأة قررت ان تقتلع هذا السواد المحيط بها

وتأخذ حمام دافىء وتقرر ان تطلب صديقتها المقربة التى
فوجئت بها ارسلت لها فوق ال 10 رسائل جميعها تحمل
نفس المعنى الخوف والقلق عليها

ابتسمت وقالت حسنا هناك اذن من يهتمون لآمرى
ممنونة لكى حقا يا صديقتى وتحدثت معها
لم تصدق صديقتها انها هى
فرحت لصوتها المبتهج
قرروا ان يلتقوا

قررت ان تلبس رداء بلون البنفسج
الذى يطفى عليها رونقا خاص

والتقت بصديقتها



وحين جاء النادل ليقدم لهم
القهوة وسط نظرات خاوية
ومحاولات بائسه لآن ترسخ فكرة انه لم يعد فى قلبها شىء
تتذكرة به

اذ بفيروز تغنى


فى نــــــــــــــــــاس كتــــــــير لكن بيصير ما فى غيرة

اخفت كل شىء حتى الدموع
ولم ترد ان تصرح علانية انة مازال هو برغم قرارتها
وقصصها المزيفة
مازال هو الوحيد القادر على العبث بها حتى فى غيابة


أنتهتــــــــــــــــــــــ
>