9:29 م

الله على احساس الرضا ياناس

بواسطه ســـهــــر








الله على احساس الرضا ياناس

الله على ضمه امى ليا



بصوا بقا هقولكم هحكى هحكى انا

بقالى فترة مكتئبة مخنوقة مهمومة

كل معانى الاحباط اللى لوحدها كفيلة تقعد الواحد فى بيتة سنه كاملة قافل علية بابة



لاقيت انى انانية اوى اية البواخة اللى انا فيها دى

طيب مشوف اللى حواليا اخبارهم اية

مبسوطين فى دنيتهم ولا مش مبسوطين



ماليش غير ماميتى حبيبتى هى اللى بقيالى بعد وفاة بابا



اتكلمت معاها حسيت انى بقالى اكتر من سنه معرفش عنها حاجة

ابتدت الكارثة وهى بتحكيلى الدنيا معنداها ازاى

واقفة اوى معاها



كان هاين عليا اقوم اخد بعضى وامسك نفسى بالبولغه القديمة

اقطع نفسى اولع فيها امسكها من شعرها واطردها برة بيتى



مسمعتش الكلمتين من ماما واكتفيت انى أعيط واندب

فكرت اة والله فكرت وقررت انى احل معاها المشكلة بتاعتها



تخيلوا ان ربنا الهمنى بحل لا كان ع البال ولا ع الخاطر


ماما عيطت من فرحتها لما لقت بنت قلبها هى اللى شيلاها

اة هى بتقولى يابنت قلبى



مبسوطة من نفسى اوى يخربيتى بجد



فرحانة عشان ماميتى باستنى وهى بتعيط وقالتلى مش عارفة من غيرك كنت هعمل اية

انا الدنيا كلها مش سيعانى

الله على احساس الرضا اللى بيجى فجأة



بس خد تعالا هنا انت وهى

دور على اللى حواليك هتلاقيهم محتاجينك اكتر من الكأبة اللى مصحباك

دور هتلاقى ناس محتاجة تسمع منك كلمة فيك اية احكيلى



لو مقدرتش تحل معاهم مشاكلهم هتقدر تساعدهم ع الاقل بالكلمة الحلوة



وبس خلاص

كلامى مش مرتب بس دة اللى جوايا


63 شربوا معايا القهوه:

غير معرف يقول...

هيييييييييييييييييه

اول تعليييييييييييييق

وسعووا نواررررررة جت

هييييييييييييييييييييه

:)

:)

:)

فتاه حالمه يقول...

تاني تعليق وامري لله

فتاه حالمه يقول...

الموضوع بجد صح جدا
عارفه لما نفكر في هم غيرنا الحمد لله بنقدر نحله وبنكون سعيدين بيه
مهما كان الامر صعب لما بتكوني بعيد عنه بيتحل
ربنا يخليكي لمامتك ويخلي مامتك ليكي
ربنا يكرمك بكل خير
ويقويكي وييسرلك الحال ويبعد عنكم الهم والغم
ربنا معاكي
مودتي

غير معرف يقول...

برافوووووووا عليكي

انتي كدا عملتي الصح

ياريت الكل يفكر زيك

صدقوني حرام تضيعوا حياتكم بالهم والنكد اضحكوا للدنيا واتوكلوا على ربنا

ربنا يخليلك مامتك ويسعدكم يارب

ســـهــــر يقول...

لولولولولوى
مبروك يا نوارتى اول تعليق

هو فعلا حرام الواحد يضيع ايام واسابيع وشهور كمان فى نكد وغم
عارفه انا واحدة م الناس لما بزعل باخد حقى م الزعل
ولما بفرح بفرح الدنيا اللى حواليا كلها بس نحاول نقتصر الحزن على دقيقة او اتنين الدنيا حلوة اوى

نورتينى يا قمر

ســـهــــر يقول...

فتاه حالمه
الموضوع بجد صح جدا
عارفه لما نفكر في هم غيرنا الحمد لله بنقدر نحله وبنكون سعيدين بيه
مهما كان الامر صعب لما بتكوني بعيد عنه بيتحل
ربنا يخليكي لمامتك ويخلي مامتك ليكي
ربنا يكرمك بكل خير
ويقويكي وييسرلك الحال ويبعد عنكم الهم والغم
ربنا معاكي
مودتي

معاكى فى كل كلمة قولتيها
والتعليقات كلها تحت امرك يا جميلة
وربنا يسمع منك ويخليلى امى ويديها الصحه وطولة العمر
شرفتينى حقيقى

♥نبع الغرام♥♪≈ يقول...

السلام عليكم
حبيبتى سهر
وحشتينى موووت ياقطه
بجد أنا مبسوطه قوووى ليكى إنك رجعتى وبقيتى كويسه
يارب دايمآ كده على طول
ربنا يكرمك يارب ويسعدك
ويخلى ليكى ماما ويحفظها ليكى من كل شر
دمتى بخير ياقمرايه
أختك اللى بتحبك مووووت
أنوسه
بوسه وحضن كبير
أموووووووووووووووههههه
بحبك قووى

ســـهــــر يقول...

عاشقة الأحزان
السلام عليكم
حبيبتى سهر
وحشتينى موووت ياقطه
بجد أنا مبسوطه قوووى ليكى إنك رجعتى وبقيتى كويسه
يارب دايمآ كده على طول
ربنا يكرمك يارب ويسعدك
ويخلى ليكى ماما ويحفظها ليكى من كل شر
دمتى بخير ياقمرايه
أختك اللى بتحبك مووووت
أنوسه
بوسه وحضن كبير
أموووووووووووووووههههه
بحبك قووى

يا انوستى اللى يعرف ناس قلبها جميل زيك وزى باقى المدونين حبايبنا لازم يبقا كويس وقلبة حديد لان فى ناس بتحبة ويستاهلوا الواحد يبقا قوى
وبحبك انا اوى اوى والله يا انوسة
وربنا يخليكى ليا يارب يا ارق أخت فى الدنيا كلها

وبوسة كمان منى ليكى وحضن كبير اوى
نورتينى ودايما منورانى يا قلبى

الشاعر الحزين يقول...

سهر

أنا مش هقول حاجه غير العنوان بتاعك


الله على احساس الرضا

ده بس كفايه


بجد يا سهر أنتى فوقتى ناس كتير قوى كانت تايهه

سهر معلهش مش عارف أتكلم

بس بجد تسلمى يارب

ويارب يسعدك دايما

عاشقه الرومانسيه يقول...

مفيش كلام احلى من كده
حتى لو مش مترتب
تعرفى ان عندك حق فعلا
مش لازم نندب حظنا ونقفل على نفسنا
لازم نشوف غيرنا ونحس بيهم وبالذات لو اقرب الناس لينا
هتفرق معاهم كتير قوى بجد
ربنا يسعد قلبك كمان وكمان
ويخلى لك ماما

احساس طفلة محبة للرومانسية بس واقعية يقول...

ور على اللى حواليك هتلاقيهم محتاجينك اكتر من الكأبة اللى مصحباك

دور هتلاقى ناس محتاجة تسمع منك كلمة فيك اية احكيلى

هو دا الكلام
اجمل احساس بالسعادة والرضا لما نساعد حد
وخاصة لو الحد دا قريب مننا وسعادتة تهمنا
جميل انك تحسى دا من مامتك
ربنا يخليك ليها ويخليها ليك
وان شاء الله ربنا يبعد عنك الكأبة دائما

تقبلى مرورى

ماء تشرين يقول...

تصدقى انا عنيت دمعت بجد

بجد احلى احساس انك تساعد حد
فمابلك الام

تقبلى كل الود والحب

MǿиY El-Shreef يقول...

الله ع الجمااال

ربنا يخليكوا لبعض ولا يحرمك منها ابدا

بجد حاجه جميله اوي

وان شاء الله كل حاجه تبقى بخير

:)

Mafrousa يقول...

الله الله
و الله عندك حق
يا سلام فعلا
الواحد بما انه حاسس انه مخنوق بقاله فتره
يدور على انه يحل مشكله لحد ولا يساعد حد و اكيد الواحد حيحس انه راضي و سعيد
و اروح لماميتي انا كمان و اترمي فى حضنها
ربنا يخليهالك و مش يحرمكوا من بعض
و انا كمان
تحياتي

كفايـة طيبـة يقول...

فعلا
لما الواحد يبقي مش قادر يفك عن نفسه القيود اللى حط نفسه فيها ... يروح يفك غيره هيحس ان هو اللى اتحرر لما يلاقي انه السبب فى ابتسامته

وخصوصا خصوصا بقي

لما يبقي الشخص ده ابويا او امى

ربنا يسعد قلبك يارب ويسعد قلب مامتك
:)

دعاء يقول...

تعرفى انى دايما بدعى ربنا انه يدينى نعمة الرضا.. بجد دى نعمة ومش بنحس بيها من كتر ما احنا مش راضيين. فاهمة حاجة..
ربنا يرضيكى ويرضى عليكى.

دعاء

Unknown يقول...

السلام عليكم
تحية طيبة لك
دعوة خاصة للمشاركة والكتابة في مجلة رؤية مصرية
المجلة أسبوعية الكترونية صدر منها ست أعداد حتى الآن
بامكانك زيارتها على http://roaua.com/

ومراسلتنا على roaua.com@gmail.com

خالص تحياتي ومنتظر ردك وحضورك

رئيس التحرير

Unknown يقول...

لما تيجي ليا مشكلة وأحلها لواحد لعمره شفته ولا شفني وألقيه كتبلي في التعليقات شكر ور زيادة على كلامي ببيقى طاير من السعادة
فما بالك لو حلت مشكلة وقعها فيها أمي

مدونة رائعة وكلام صادق وخارج من القلب .. وأدعوكي لزيارة مدونتي

تقبلي مروري وتحياتي
ويبقى التواصل

موجة يقول...

سهر
لولولولولولوولىىى
اخيرا ياسهورة ياحبيبتى
اخيرااااااااااااا
انا بقى الفرحة مش سيعانى
يخربيت اللى يزعلك ياشيخة
اتفووووووووووو
على اى حد يزعلك
وحشانى ياقلبى
ومعلش انا مشغولة عن الدنيا كلها بسبب الامتحانات
ادعيلى ياسهر

عاشقه وغلبانه يقول...

ربنا يديم عليكي الرضا
خليكي قريبه من ماماتك عالطول

yoyo يقول...

صباحك رضا و سعادة

تسلمى و الله وتسلم ايدك
عارفة اجمل مافى البوست انه صادق ومن القلب فدخل القلب بكل بساطو وسهولة

ربنا يبلرك لكى فى مامتك يارب ومش يحرمكوا من بعض ابدا
مش لازم نخلى الحزن واليأس يتملك منا لازم نخلى فى صبر ةمحاولة رضا عن حياتنا واوضاعنا ونحاول نتعايش فيها

ربنا يسعدك و يسعد قلبك يارب
تحياتى
يويو

القمر الساهر يقول...

كلامك مش مرتب ايييييييه بس

دة انتى قلتي كنز والله

بجد عندك حق ..

اوقات الحزن بيسجما وبيموت فينا بالبطيء واحنا اللى بنقتل نفسنا

الرضا الرضا الرضا مفتاح السعادة ربنا ينعم علينا بالرضا يااارب

ربنا يخليلك ماما يارب

أم أحمد المصرية يقول...

الله عليك يا سهر اول مرة ازورك اجد هذا الموضوع الرائع ربنا يخليك لمامتك و يخليها لك فعلا العطاء احساس جميل خصوصا لو لأقرب الناس
سعدت جدا بالمعاني الجميلة اللي مدونتك و اللي اهم كتير من ترتيب الكلام و اكيد مش حتكون اخر زيارة
تحياتي

قلب ارهقته الاحلام يقول...

الله عليكي بجد وعلي احساسك الجميل ده

بجد أجمل حاجه ف الدنيا احساس الرضا ده

وربنا يارب يديم عليكي الاحساس ده

وينعم كل محروم من الاحساس ده بيه

micheal يقول...

الحمد لله علي الإحساس ده وربنا يديم الرضا علينا كلنا
تحياتي

حقى اهرتل يقول...

انا قلت اجى اخد قهوه قبل ما انزل الشغل
لقيت كلام عن اكتئاب وبتاع ف مش شارب سلام

مامة مازن يقول...

يا سلام ربنا يخليكى ويخلى ماما يارب
وربنا لايجعل لكم هم ابدا يارب

ليكوريكا يقول...

ربنا يهديكي للصح دايما

ويخليكي لمامتك ويخلي ماتك ليكي

دمتي بكل الخير

♥نبع الغرام♥♪≈ يقول...

السلام عليكم
سهر حبيبتى
أنتى فين قلقتينى عليكى قووى
ياريت طمنينى عليكى ضرورى
لانك واحشانى مووووووووت
سلام ياقمر
أختك إيناس

♥نبع الغرام♥♪≈ يقول...

السلام عليكم
حبيبتى ربنا مايحرمنيش منك يارب
أخبارك أيه بجد والله بقلق عليكى جامد
وسعيده ان اطمنت عليك من خلال تعليقك عندى
ومنتظراك على طوووووووووووول
أختك أنوسه

ابو صهيب ( الجمعاوي الاصيل)سابقاً يقول...

اجمل ما في الدنيا ان الانسان يحس

انه راضي عن نفسه وعن الناس اللي

حوليه

انه يبقى حاسس ان الناس راضيين عنه

انه يبقى حاسس ان ربنا راضي عنه

ياه الرضا ده معنى جميل جداً

بارك الله فيك

ورزقك الرضا دائماً

م/ محمد صالح يقول...

عندك حق فعلا فى كل اللى قولتيه
اسلوبك جميل بس عاوز شويه ترتيب

رؤية يقول...

ادام الله عليك الاحساس بالرضا والسعادة
ورزقنا اياهم

تحياتى

Bant EL7ag Dracula يقول...

انتتتتتتتتتتتى جميييله خااااااااالص على فكره

وعندك حق الواحد مالوش غير امه

ربنا يخليهالك ويخليها جنبك على طول

ويارب متتخنقى تانى ابداااا

ســـهــــر يقول...

الشاعر الحزين سهر

أنا مش هقول حاجه غير العنوان بتاعك


الله على احساس الرضا

ده بس كفايه


بجد يا سهر أنتى فوقتى ناس كتير قوى كانت تايهه

سهر معلهش مش عارف أتكلم

بس بجد تسلمى يارب

ويارب يسعدك دايما


********
ياه بجد كلمة انتى فوقتى ناس كتير متعرفش فرحتنى اد اية يا علاء بجد
ربنا يكرمك يا جميل

ســـهــــر يقول...

عاشقه الرومانسيه
مفيش كلام احلى من كده
حتى لو مش مترتب
تعرفى ان عندك حق فعلا
مش لازم نندب حظنا ونقفل على نفسنا
لازم نشوف غيرنا ونحس بيهم وبالذات لو اقرب الناس لينا
هتفرق معاهم كتير قوى بجد
ربنا يسعد قلبك كمان وكمان
ويخلى لك ماما

ويخلى مامتك ليكى ويباركلها فيكى يا دودو يا قمرة نورتينى

ســـهــــر يقول...

احساس طفلة محبة للرومانسية بس واقعية

ور على اللى حواليك هتلاقيهم محتاجينك اكتر من الكأبة اللى مصحباك

دور هتلاقى ناس محتاجة تسمع منك كلمة فيك اية احكيلى

هو دا الكلام
اجمل احساس بالسعادة والرضا لما نساعد حد
وخاصة لو الحد دا قريب مننا وسعادتة تهمنا
جميل انك تحسى دا من مامتك
ربنا يخليك ليها ويخليها ليك
وان شاء الله ربنا يبعد عنك الكأبة دائما

تقبلى مرورى

اللهم امين يا حبيبتى وفعلا انك تحسى انك مع اقرب الناس ليكى احساس لا يوصف

شرفتينى

ســـهــــر يقول...

ماء تشرين
تصدقى انا عنيت دمعت بجد

بجد احلى احساس انك تساعد حد
فمابلك الام

تقبلى كل الود والحب

سورى يا جميلة ان عيونك الغالية دمعت
طبعا الام دى أهم وأغلى شىء فى الدنيا كلها
نورتينى

ســـهــــر يقول...

MǿиY El-Shreef
الله ع الجمااال

ربنا يخليكوا لبعض ولا يحرمك منها ابدا

بجد حاجه جميله اوي

وان شاء الله كل حاجه تبقى بخير

:)

ربنا يخليكى يارب ويسمع منك
ويخلى كل احبابك وان شاء الله خير اكيد
شرفتينى

ســـهــــر يقول...

ة مفروسة
الله الله
و الله عندك حق
يا سلام فعلا
الواحد بما انه حاسس انه مخنوق بقاله فتره
يدور على انه يحل مشكله لحد ولا يساعد حد و اكيد الواحد حيحس انه راضي و سعيد
و اروح لماميتي انا كمان و اترمي فى حضنها
ربنا يخليهالك و مش يحرمكوا من بعض
و انا كمان
تحياتي

مفروستى حبيبتى سلامتك من الخنقة يا قمرة وجرى على ماميتك احضنيها والدنيا كلها هتبقا جميلة فى عيونك
ربنا يخليهالك يارب نورتينى

ســـهــــر يقول...

كفايـة طيبـة
فعلا
لما الواحد يبقي مش قادر يفك عن نفسه القيود اللى حط نفسه فيها ... يروح يفك غيره هيحس ان هو اللى اتحرر لما يلاقي انه السبب فى ابتسامته

وخصوصا خصوصا بقي

لما يبقي الشخص ده ابويا او امى

ربنا يسعد قلبك يارب ويسعد قلب مامتك
:)

ودة اللى عملتة يا طيوبة وفرق معايا كتير والحمد لله
ربنا يسعدلى قلبى كمان يا حبيبتى نورتينى

ســـهــــر يقول...

ء عبد الفتاح
تعرفى انى دايما بدعى ربنا انه يدينى نعمة الرضا.. بجد دى نعمة ومش بنحس بيها من كتر ما احنا مش راضيين. فاهمة حاجة..
ربنا يرضيكى ويرضى عليكى.

دعاء

اكيد يا دودو فاهمه بس صدقينى احساس الرضا دة فى ايدينا كلنا ونقدر نحققة بمنتهى السهولة ربك مش بيعمل حاجة وحشة لحد لازم نحمدة ونشكرة على كل حال
وربنا ينورلك قلبك ودنيتك نورتينى

ســـهــــر يقول...

كاتب مصري
السلام عليكم
تحية طيبة لك
دعوة خاصة للمشاركة والكتابة في مجلة رؤية مصرية
المجلة أسبوعية الكترونية صدر منها ست أعداد حتى الآن
بامكانك زيارتها على http://roaua.com/

ومراسلتنا على roaua.com@gmail.com

خالص تحياتي ومنتظر ردك وحضورك

رئيس التحرير

من عينيا يا اخى وبأذن الله تعالى اتواصل معاكم

ســـهــــر يقول...

شاهين - باحث تربوي
لما تيجي ليا مشكلة وأحلها لواحد لعمره شفته ولا شفني وألقيه كتبلي في التعليقات شكر ور زيادة على كلامي ببيقى طاير من السعادة
فما بالك لو حلت مشكلة وقعها فيها أمي

مدونة رائعة وكلام صادق وخارج من القلب .. وأدعوكي لزيارة مدونتي

تقبلي مروري وتحياتي
ويبقى التواصل

اكيد طبعا احساس جميل
وربنا يسعدك على طول يارب وتسعد كل اللى حواليك

ســـهــــر يقول...

موجة
سهر
لولولولولولوولىىى
اخيرا ياسهورة ياحبيبتى
اخيرااااااااااااا
انا بقى الفرحة مش سيعانى
يخربيت اللى يزعلك ياشيخة
اتفووووووووووو
على اى حد يزعلك
وحشانى ياقلبى
ومعلش انا مشغولة عن الدنيا كلها بسبب الامتحانات
ادعيلى ياسهر

حبيبة قلبى من جوة موجة
هههههههههههههههه
اة اسفخص على اللى يخلينى زعلولة بقا
ويارب دايما فرحانة ومبسوطة يا بنوتة يا طعمة انتى

ربنا معاكى وتنجحى ويوفقك يارب يا حبيبتى شرفتينى يا بنوتى

ســـهــــر يقول...

عاشقه وغلبانة يقول...
ربنا يديم عليكي الرضا
خليكي قريبه من ماماتك عالطول

اللهم امين
اكيد طول العمر تحت رجليها انا يا عاشقة وربنا يخليكى يارب نورتينى

ســـهــــر يقول...

yoyo
صباحك رضا و سعادة

تسلمى و الله وتسلم ايدك
عارفة اجمل مافى البوست انه صادق ومن القلب فدخل القلب بكل بساطو وسهولة

ربنا يبلرك لكى فى مامتك يارب ومش يحرمكوا من بعض ابدا
مش لازم نخلى الحزن واليأس يتملك منا لازم نخلى فى صبر ةمحاولة رضا عن حياتنا واوضاعنا ونحاول نتعايش فيها

ربنا يسعدك و يسعد قلبك يارب
تحياتى
يويو

مسائك سكر يا اغلى يويو
والله كل كلمة قولتيها صح يا قلبى
ويارب مفى حزن تانى عند أأأأأأأأآى حد
وشرفتينى يا حبيبتى والله

ســـهــــر يقول...

القمر الساهر
كلامك مش مرتب ايييييييه بس

دة انتى قلتي كنز والله

بجد عندك حق ..

اوقات الحزن بيسجما وبيموت فينا بالبطيء واحنا اللى بنقتل نفسنا

الرضا الرضا الرضا مفتاح السعادة ربنا ينعم علينا بالرضا يااارب

ربنا يخليلك ماما يارب

عارف مش مرتب من كتر منا كنت مبسوطة وطايرة من الفرحة والحمد لله انة وصلك الاحساس
وربنا ينعم عليك وعليا وعلى الجميع بالرضا ويرضا عنا
شرفتنى

ســـهــــر يقول...

أم احمد المصرية يقول...
الله عليك يا سهر اول مرة ازورك اجد هذا الموضوع الرائع ربنا يخليك لمامتك و يخليها لك فعلا العطاء احساس جميل خصوصا لو لأقرب الناس
سعدت جدا بالمعاني الجميلة اللي مدونتك و اللي اهم كتير من ترتيب الكلام و اكيد مش حتكون اخر زيارة
تحياتي

يا ست الكل شرفتينى ويارب متكونش أخر زيارة ليا
صدقينى انا اللى سعيدة أكتر بمرورك الغالى وربنا يكرمك يارب

ســـهــــر يقول...

ارهقته الاحلام
الله عليكي بجد وعلي احساسك الجميل ده

بجد أجمل حاجه ف الدنيا احساس الرضا ده

وربنا يارب يديم عليكي الاحساس ده

وينعم كل محروم من الاحساس ده بيه

اللهم امين
بجد نورتينى وربنا يديمة علينا جميعا احساس

ســـهــــر يقول...

micheal
الحمد لله علي الإحساس ده وربنا يديم الرضا علينا كلنا
تحياتي
الف حمد وشكر لله يا جميل
وفينك بقا كدة غايب عنى بقالك فترة لية ؟ لعل المانع خير
نورتنى

ســـهــــر يقول...

حقى اهرتل
انا قلت اجى اخد قهوه قبل ما انزل الشغل
لقيت كلام عن اكتئاب وبتاع ف مش شارب سلام

طيب خد القهوة الاول انت ضيفى :)
مش اكتئاب والله ولا حاجة دى فرحة غالية كمان
وعلى كل حال شرفتنى

ســـهــــر يقول...

مامة مازن
يا سلام ربنا يخليكى ويخلى ماما يارب
وربنا لايجعل لكم هم ابدا يارب

اللهم أمين يا امى
وربنا يكرمك يارب شرفتينى والله

ســـهــــر يقول...

ليكوريكا
ربنا يهديكي للصح دايما

ويخليكي لمامتك ويخلي ماتك ليكي

دمتي بكل الخير

اللهم امين يارب
ربنا يكرمك ويخلى كل احبابك يارب
شرفتينى

ســـهــــر يقول...

عاشقه الاحزان
السلام عليكم
سهر حبيبتى
أنتى فين قلقتينى عليكى قووى
ياريت طمنينى عليكى ضرورى
لانك واحشانى مووووووووت
سلام ياقمر
أختك إيناس

يا اغلى الناس على قلبى
أنا موجودة اهه مقدرش اغيب عنك يا قلبى
ويسلملى قلبك الطيب يا انوستى على سؤالك دايما عليا والله بحبك فى الله اوى

ســـهــــر يقول...

hamada
يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com

أرجوا إرسال مواضيعكم لأختيار الأفضل لنشره العدد القادم
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

ان شاء الله اتابع معاكم يا اخى وربنا يكرمنا جميعا

ســـهــــر يقول...

ابو صهيب ( الجمعاوي الاصيل)سابقاً
اجمل ما في الدنيا ان الانسان يحس

انه راضي عن نفسه وعن الناس اللي

حوليه

انه يبقى حاسس ان الناس راضيين عنه

انه يبقى حاسس ان ربنا راضي عنه

ياه الرضا ده معنى جميل جداً

بارك الله فيك

ورزقك الرضا دائماً

اكيد طبعا احساس الرضا واللى حواليك راضين عنك وفرحانين بيك دة غالى اوى
ربنا يسمع منك ونورتنى والله

ســـهــــر يقول...

م/ محمد صالح
عندك حق فعلا فى كل اللى قولتيه
اسلوبك جميل بس عاوز شويه ترتيب

اوعدك انى المرة الجاية ارتب كلامى يا أستاذنا بس معلش بقا كنت فرحانة وبكتب اللى على بالى
شرفتنى والله

ســـهــــر يقول...

رؤية
ادام الله عليك الاحساس بالرضا والسعادة
ورزقنا اياهم

تحياتى
اللهم امين وربنا يرضا عنا جميعا نورتينى

ســـهــــر يقول...

Bant EL7ag Dracula
انتتتتتتتتتتتى جميييله خااااااااالص على فكره

وعندك حق الواحد مالوش غير امه

ربنا يخليهالك ويخليها جنبك على طول

ويارب متتخنقى تانى ابداااا

اهو انتى اللى زى القمر وحتت سكرة
ربنا يخليكى يا قلبى يارب ويخليلك ماما وميحرمك منها

وخدى هنا تعالى كنت غايبة كل دة فين ؟
وحشتينى يا بنوتة ابقى طمنينى عليكى

فى رعاية الله يا قمر

mimi يقول...

أنا قلت اخد لفة في مدونتك ...

الله الله .... دي مدينة كاملة

ربنا يخليلك "أم قلبك"
ويخليكي ليها .... ويمتعك برضاكي يارب

سلاموو عليكوو

ســـهــــر يقول...

mimi
أنا قلت اخد لفة في مدونتك ...

الله الله .... دي مدينة كاملة

ربنا يخليلك "أم قلبك"
ويخليكي ليها .... ويمتعك برضاكي يارب

سلاموو عليكوو
ربنا يكرمك يارب وعشان انتى جميلة شايفة كل حاجة حلوة
ربنا يسلملى قلبك الغالى

Hesham يقول...

استاذتى العزيزة
اولا انا شاكر على زيارتك مدونتى
ثانيا تعليقا على تعليقك بشان حكم الإعدام الخاص بهشام مصطفى
استاذه سهر انا معكى تماماااااااااا فيما قلتيه ولكن انا لااقصد انه لايستحق الإعدام نعم فهو يستحقه ولكن سؤالى هنا هل يستحق الإعدام لانه قتل سوزان تميم وان الجريمة تمت فى دبى وبالتالى اصبحت قضية راى عام طيب لو كان قتل واحده عادية كان حياخد نفس الحكم طب بلاش واللى قتل لاعب كرة اليد باستخدام سلاحه الميرى مش يستحق الإعدام برضه انا هنا بتسأل لماذا لايتم التوحيد مجرد سؤال لانى ذيلت استفسارى بان هل الحكم لانها فنانه ( مش عارف طبعا انا عمرى ماشفت لها حاجة اصلا) ولا لان القانون يقول من قتل يقتل طيب مافيه ناس قتلت ومخدتش اعدام ؟ انا ياسيدتى اخشى مااخشاه ان يكون الحكم فيه رائحة سياسيه الله اعلم طبعا ولكن مش عارف كان نفسى ياخد اعدام وكل اللى بيرتكب جريمة تستحق الإعدام سواء غنى او فقير مشهور او مجهول ياخد اعدام
برضه.
اما تعليقا على احساس الرضا فقد ختمتيه بأن كلامك غير مرتب صدقينى اجمل احساس فى الدنيا حينما يمسك الإنسان قلما ويكتب مايجول بخاطره بلا ترتيب انه كمن يقف امام المرايا يتحدث مع نفسه بصدق وبالتالى فالكلام غير المرتب دائما مايكون صادقا ويمكن القول ان كل الكلام الغير مراب صادق وليس كل الكلام المرتب صادق
واسف جدا للإطالة وسعيد بزيارتك واتمنى ان تتكرر