2:48 ص

مـــن يــســتـــحق !!!

بواسطه ســـهــــر




فى المساحه الآكثر عمقا فى القلب

هناك دائما مملكة لشخص واحد
ولآن قصص الحب تتشابة حد التطابق فى البدايات

الآ أن النهايات كبصمة اليد

لا تتكرر

برغم ان المواقف تتكرر الآ أن ردود الآفعال لا تتكرر

فثمه أشخاص يحتلون المملكة المنعزلة بجدارة

ومهما حاولنا جاهدين على ان نلوث تلك البصمات الجميلة

تقف امامنا افعالهم وتصرفاتهم كالمرصاد

أذن فهم يستحقون مساحه من قلوبنا وعقولنا وذكرياتنا

فلماذا نستمر فى محو الأشياء الآكثر طهرا ونقاءا بيد
ترتعش وبعقل غائب وبقلب بارد ؟
وثمه أشخاص يحتلون المملكة المنعزلة بمنتهى الوقاحه

برغم ان جميعا متفقين على ان تلك المساحه لا دخل لنا

بأصحابها

الآ أن تلك الشخصيات الوقحة الواقفة فى مساحتنا

الخضراء يجعلونا أكثر همجية وأكثر عصبية

وأكثر توترا فقط لكونهم فى جزء من قلوبنا رغما عنا
نعم فهناك من يسكن قلوبنا وفى يداة صندوق يحتوى

على مئات الطعنات والأهات
فكلما رأيت وجة جميل هادىء ونقاء طاغى

ايقنت ان من يسكن المملكة التى لا تسع سوى شخص واحد

شخص نقى بتصرفاته ونهاياته المرئية
ولم ينتهى من حاضر تلك الوجة النقى

وكلما رأيت وجة أخر بتصرفات غير مرتبة

أشفقت علية من ساكن مملكتة

فجميع تصرفاتنا وردود أفعالنا

تترتب بناءا على من يحتوينا سواء بموافقتنا

أو رغما عنا

فليبحث كل منكم على داخلة ولينظر الى وجهه فى لحظة صفا

وحدة سيعلم أن كان ساكن مملكتة يستحقها أم لا




55 شربوا معايا القهوه:

MONTY يقول...

,,وثمة اشخاص يحتلون المملكه المنعزله بمنتهى الوقاحه,,
جمييييييييييل ويخلى الواحد يفكرررررررر كتير
رائع يا سهوره
بس ياترى من يستحق؟؟؟؟
شكلك بتعيدى حساباتك ف علاقاتك
ويارب اكون ف المساحه اللى استحقها
جامده

القمرالباكي يقول...

السلام عليكم ورحمه الله وبركاته

موضوع هايل وحقيقي
نفسي كلنا نخلص من الشخصيات الوقحه الي محتلنا غصب عننا
وننسي الجزء ده من حياتنا لكن صعب الذكريات بتبقي بمرها وحلوها

تسلم ايدك

مهموهة أحمد يقول...

وحده سيعلم إن كان ساكن ممكلته يستحقها أم لا


بجد بوست رائع رائع رائع و الله يا سهر
بجد احلى ما فيه البوست انه بيخلي الواحد يفكر في نفسه بجد و يعيد حساباته مع الناس اللي بيحبهم او حتى بيعزهم
ماشاء الله عليكي يا سهر

دمتي متميزة يا قلبي باستمرار

امواااااااااه

خالص حبي و تقديري

♥♥ شذا ♥ الروح ♥♥ يقول...

أحلى حاجه فيكى إنك بتتكلم عننا وعن الواقع اللى بتعايش فيه حبيبتى

ماشاء الله عليكى بوست فى الصميم

بتمنالك السعاده من كل قلبى غاليتى

♥♥ شذا ♥ الروح ♥♥ يقول...

بشكرك على مرورك الجميل وأنا ضفت المدونه للتواصل على
طول

وسعيد بمعرفتك ياقمر

تحياتى من القلب

شذا الروح

حياه بلا عنوان يقول...

السلام عليكم ورحمه الله وبركاته
بصراحه الموضوع جميل قوى ماشاء الله تعرفى الواحد بيعامل ربنا بس وهو واحده اعلم بالناس الوقحه الواحد بيكون نيته عمله ازاى من نحيتهم بيعملهم المعمله الحسنه لكن هما من جواهم حاجه تانيه واكيد هما اكتر ناس بيكونو عرفين نفسهم انهم يستحقو ولا ميستحقوش ابدااااا
تحياتى

أحــوال الهـوي يقول...

لاني اعشق فيروز
فلقد استمعت بالموضوع و قراته في ساعة كامله

حتي تنتهي الاغنيه و الحمد لله لا نهاية لها

و اظنها في المساحة الاكثر عمقا في القلب
ان مملكتي لا يسكنها الا من يستحق لانه يظل كثيرا في المنطقة المحايده العازلة حتي ياخذ تاشيرة العبور الي منطقة اخري او يلقي في سلة المهملات

تحياتي

Ms Venus يقول...

فليبحث كل منكم على داخلة ولينظر الى وجهه فى لحظة صفا
وحدة سيعلم أن كان ساكن مملكتة يستحقها أم لا


بوست رائع وكلام صح جدا


وردة ليكى يا قمراية

مجرد بنت يقول...

جارى البحث
كلامك جميل
وواقعى جدا
ومساحاتنا دى مش لاى حد

سمع هوص (Abo 3li) يقول...

طب وبالنسبة للعنده المساحة دي فاضية وأيلة للسقوط... يبص لنفسه ازاي؟؟

Hesham يقول...

كما قلت انتى فكما لاتتشابه النهايات كبصمات الأصابع لاتتشابه الناس ايضا كبصمات العيون التى هى ادق من بصمات الأصابع

غير معرف يقول...

بوست واقعي وبسيط :)

تسلم ايديكي يا ساسو :)

NeVeN يقول...

سهورة
بصى ممكن يكون فى المساحة الاكثر عمقا فى القلب شخص ميستحقهاش ولا حتى يستحق القلب اللى سلمه كل مفاتيحه وصناديقه
و ممكن يكون العكس شخص تقدره حد النهاية وتحترمه حد الانحناء القامات
لكن فى كل الاحوال قلبنا بس هو اللى بيتعذب وبيتوجع ويمكن التانى مش على باله اصلا


انا وقفت كتييير اوى قدام كلامك وتعبيراتك ووقفت كمان قدام فكرة البحث



بموت فيكى اكتبيلى بقا كل يوم بوست عشان بتوحشينى


صباحك نسكافيه

داليـ ـ ـ ـ ـ ـ ــــا يقول...

سهر

تعرفى زى ما قلتى فى ناس كتير بيحتلوا المكان ده بطريقه بشعه كلها اهانه وذل

بس تعرفى نعمل ايه فى الحاله دى نحكم عقلنا كويس والله مش عارفه ليه البنات دايما بتحكم القلب وليس العقل
انما ياختى الرجاله واعين بيحكموا الاتنين والاكتر العقل

يالا جاتنا خيبه
ههههههههه

موضوع لذيذ وشيق ياأحلا سهر

هيثــم رمضـــان يقول...

نظرة رائعة وعميقة جداً إلي القلوب وإلي من يحتل المساحة الأكثر عمقاً بها وكيف يؤثرون علي صاحب القلب سواء بالإيجاب أو بالسلب , الفكره كانت رائعة وجاء التعبير عنها بمنتهي التميز ليكتمل جمال الموضوع ليجد القراء أنفسهم أمام حقيقة قد تكون غائبه عن تفكيرهم أو إدراكهم وهي مدي تأثير من يحتلون قلوبهم عليهم وعلي تصرفاتهم مع الناس .

هذة كانت الزيارة الأولي لي هنا ولكنها لن تكون الأخيرة بإذن الله ,وأسمحي لي أن أحييكي علي مدونتك الجميلة والمتنوعه في أفكارها.

تحياتي

حلمى البعيد يقول...

انا شربت معاكى القهوه يا قمر
وبصيت في لحظة صفا معاكى برده
للأسف لقيت إن الناس اللى في مملكتى ماتستحقش
خلتينى أقف مع نفسي واعرف حاجات انا عرفاها ومش عاوزه اصدقها
ربنا يخليكى على التوبك الجامد ده يا قمر
وان شاء الله يدوم التواصل بينا

محمود ناصف يقول...

بوست جامد جدا يا سهر بجد

بس أعتقد إننا لو حاولنا نملى الحيز أو المساحه المتاحه عندنا فى قلوبنا بناس يستاهلوها مش هيبقى فى مكان لمن وصفتيهم بالوقاحه لأن العمله الجيده دائما وأبدا ستطرد العمله الرديئه وتحل محلها

كل شىء بإيدينا مش بإيد غيرنا يا سهوره

غروب يقول...

ساسو

حبيبة قلبي

وحشتينى اوى والله العظيم

ووحشتنى مدمونتك اووووووى

وبجد الموضوع تحفه


فعلا تلك المساحه الخضراء في قلوبنا قد يحتلها شخص واحد يقف للاخرين

بجد الموضوع عجبنى اوى وطريقتك في الكلام جميله

تحياتى يا قمر

مواه

ســـهــــر يقول...

مونتى

أكيد طول الوقت بعيد فى حساباتى
بس الاكيد الاكتر ان انتى فى اجمل مكان فى القلب وبتحتلى الجزء النقى والاجمل من ذكرياتى ربنا ميحرمنى منك ابدا يا اغلى صديقة فى الدنيا

ســـهــــر يقول...

القمر الباكى

بصى يا داليا لازم نخلص من الناس الوقحة بأى طريقة عشان نحافظ على قلوبنا نقية
نورتينى يا قمر

ســـهــــر يقول...

مهموهه

حبيبتى نورتينى والله ومبسوطة ان البوست عجبك يا قمر ومبسوطة اكتر ان فكرتى وحسبتى حساباتك ولو لمجرد دقايق
نورتينى يا قلبى

ســـهــــر يقول...

شذا الروح

ميرسى يا قمر ع الكلام الحلو دة
وانا كمان ضيفتك عندى لان مدونتك تستحق المتابعه وان شاء الله المتابعه بينا تدوم

ســـهــــر يقول...

حياه بلا عنوان

اولا نورتينى
ثانيا اكيد يا قمر الموضوع بعيد عن النية لان بالطبع نيتنا فى اى علاقة انسانية بتكون خير لكن الطرف التانى الله اعلم بنيتة

نورتينى والله

ســـهــــر يقول...

احوال الهوى

استاذى العزيز جدا فيروز صوت من الجنه
وانا بحترم كل اللى بيقدر الست فيروز جدا وعجبنىاوى يا استاذى صراحتك مع نفسك جدا
نورتنى ومنورنى دايما

ســـهــــر يقول...

فينوس

انتى الاحلى يا قمر وعشان انتى قلبك جميل بتحسى كل حاجة
نورتينى يا قمراية

ســـهــــر يقول...

مجرد بنت

جارى البحث يارب ينجح البحث يا توتة
واكيد عشان المساحه دى مش لاى حد لازم تبقا بس للناس اللى تستاهلها
منورانى

ســـهــــر يقول...

ابو على

يبقا لازم يدور ويدور كويس لحد ميتأكد ان المساحه فارغه تماما
ويحاول يختار الناس اللى بتدخل حياتة ويحبها فعلا عشان ميندمش بعد كدة

منورنىيا عليوة يا جن

ســـهــــر يقول...

استاذ هشام
متفقة معاك جدا
والناس عمرها متشابهت فى شىء
بس احيانا الجروح بتتشابة حد التطابق
نورتنى يا فندم

ســـهــــر يقول...

هاجر زعبل
الرقيه البنوتة اللى يموت فيها
نورتينى ومبسوطة ان البوست عجبك
متغبيش عن التدوين تانى بتوحشينى والله

ســـهــــر يقول...

نوفا
اختى حبيبتى

يعنى انا اكيد معاكى فى كل كلمة قولتيها وبجد يا نوفا لازم نعااافر لحد مقلوبنا تبقا صافية من كل حاجة

نورتى المدونة ومنورة حياتى كلها يا ام لارا يا أحن اخت

ســـهــــر يقول...

داليا

والله يا دودو احيانا العقل بيقف عاجز جدا وللعلم مش كل الرجالة بتقدر تحكم عقلها فى رجاله قلبها هو الطاغى على كل تصرفاتهم

وبينى وبينك يا اختى احنا اة غلاببببببببة بس جبارين

ههههههههههه

نورتينى يا بنوتة والله

ســـهــــر يقول...

هيثم رمضان

طيب انا مش عارفة اقول اية بعد كلامك انت لخصت حاجات كتيرة جدا بمنتهى البساطة
واكيد منورنى واتمنى التواصل يدوم

ســـهــــر يقول...

حلمى البعيد

يبقا قوام يا قمر نمحى الناس دى ونطردهم برة القلب الجميل دة
ونعيش بسلام وصفا

اكيد هيدوم التواصل ونورتينى

ســـهــــر يقول...

محمود ناصف

صديقى الصدوق جدا
مش دايما بينجح الاسلوب دة يا حودة
اصل اوقات الناس دى بتكون ماسكة جدار القلب بأستموات

فينك بقا ؟ غايب عنى لية ؟
وحشتنى يا محمود اوى

ســـهــــر يقول...

غرووووب
وحشانى يا بنتى انتى فين يا سارة ؟
طمنينى عليكى يا قمر انتى عارفة انى بحبك جدا

ومبسوطة اوى ان البوست عجبك ونورتينى يا قمر

موجة يقول...

يانهار ابيض
مين ده
مين دووووووووووول
تصدقى قريت مرتين
بس مافهمتش حاجة
بس كل اللى اقدر اقولهولك
حاجتين
اول حاجة محدش يستاهل بيليف مى
بولوبيف بولوبيف
تانى حاجة انتى روحتى فين ولا عقلك راح فين
ايه اللى فتح السيرة دى يعنى

Tears يقول...

سهر كلامك منطقى

متفقة معاكى جدا و البوست جميل و يدعو للتأمل و التفكير

دعاء العطار يقول...

فجميع تصرفاتنا وردود أفعالنا

تترتب بناءا على من يحتوينا سواء بموافقتنا

أو رغما عنا

فليبحث كل منكم على داخلة ولينظر الى وجهه فى لحظة صفا

وحدة سيعلم أن كان ساكن مملكتة يستحقها أم لا



معاكى حق جدااااا

كلمات تخلى الواحد يعيد حساباته ويفكر كتييييييييييييييييير

تسلم ايدك بجد

تحياتى

ســـهــــر يقول...

موجتى حبيبتى
ههههههههههه
مين دول ؟ دى ناس من بنجلاديش ( وش بيطلع لسانة )

معاكى فى ان محدش يستاهل بس الناس اللى ملهاش لازمة هى اللى متستهلش عشان كدة بنطردهم برة قلوبنا وعقلنا وكمان ذكرياتنا

وانا يا واد يا حلو انت مروحتش بعيد انا معاكى قلبا وقالبا
وحشتييييييييييييييينى

ســـهــــر يقول...

تيرز

فرحتينى انك فهمتينى وكمان متفقة ان الكلام صح
منورانى والله يا قمر

ســـهــــر يقول...

دعاء العطار

ميرسى يا قمر ع الكلام الحلو
وميرسى اكتر انك فكرتى وحسبتيها
ويارب تكون حسبتك صح الصح
نورتينى

فضفضه يقول...

السلام عليكم
نورتينى فى مدونتى وقد شرحت طريقة تصميم لوحتى الخشبية واشكرك على كلماتك الرقيقه
الموضوع حلو جدااااااا


الاشخاص ال يستحقون مساحه من قلوبنا وعقولنا يجب التمسك بهم والعكس صحيح
بس احنا نفهم ونميز
مع خالص تحياتى

مرايتى يقول...

بوست رائع ويعكس واقع مرير لا يؤثر إلا بالسلب على حياتنا
وبالرغم من إن فى شخصيات متستحق يبقى لها مساحه فى حياتنا إلا إننا بنحتفظ ليهم بمساحه رغم المعانان نت معرفتهم وأفعالهم

تسلم إيدك بجد
وأسعدنى مرورك

غروب يقول...

انا تمام جدا الحمد لله يا سهر
وانا والله كمان بحبك جداااااااااا

وربنا عالم

واتمنى اقابلك بجد

رينا يخليكي يا قمر

الازهرى يقول...

اعتقد ان من يسكن مملكتى يستحقها

ولكن لا اعتقد ان قصتى تتشابه

تحياتى دوما

الازهرى يقول...

بالمناسبة
مبروك العزال الجديد
بجد من امبارح وانا عمال اشاور نفسى هو المكان والا الكومبيوتر عندر هيس وبيدخل مكان غلط ؟

الف مبروك

فاروق سحير ( فاروق بن النيل ) يقول...

سهر... ساسو ... كافيه ... 3 أسماء
فكيف تتوقعين أن من يسكن تلك المساحة
من القلب أو داخلنا رغما عنا وقحا
نحن إخترناه بأيدينا ورغم "علمنا" مسبقا ونحن نتغاضى عن "علمنا" هذا أو حتى نتحاشاه وكما يقولون نظارة المحب عمياء لأن الحبيب لايرى عيوب حبيبه وإلا لتركه فورا أو واجهه بهذه العيوب فيقوم المحبوب الآخر بالدفاع عن نفسه وإذا وصلت العلاقة بينهما إلى هذا
المفترق ( العتاب - النقد - اللوم - المصارحة - الصدق ) إنتهت العلاقة
هل معنى ذلك أن الحب فيه بعض الكذب ؟
نعم فيه بعض الكذب ولكن من أجل البقاءعلىهذاالحب حتى لاتقصف ظهره قشة
أعجبنى لأول مرة أرى إنسانة تفسر أمورا لم يفسرها مؤلفون وشعراء وأدبيون وكتاب قصص من قبل من أن الإختلاف بيننا فى النهايات مثل البصمات
لاتتشابه أبدا ربما البدايات تتشابه معك حق وبرافوا عليكى هذا التحليل
farouksam.blogspot.com(عصفورالجنة)

ســـهــــر يقول...

فضفضه

ميرسى على الشرح بجد اللوحه تحفة وربنا ينجحك ويوفقك يارب
واانا متفقة معاكى طبعا يا قمر
بجد نورتي المدونة

ســـهــــر يقول...

مرايتى

دة اللى بقولة ان احنا بنحتفظ بيهم بس دة فعلا بيبقا غصب عننا مش بأرادتنا

نورتينى يا قمر

ســـهــــر يقول...

غروب

سارة الجميلة الحمد لله انك بخير يا حبيبه قلبى وانا كمان نفسى اقابلك واتعرف عليكى والله دة شىء اتمناة ويشرفنى

ســـهــــر يقول...

الآزهرى

جميل ثقتك بنفسك واللى جواك

والله يبارك فيك اهو بقا قولت اغير شكل البيت شوية عشان متملوش
نورتنى بجد

ســـهــــر يقول...

فاروق ابن النيل

والله مش عارفه اقولك ايه انت شرحت فكرة أكتر منى واى علاقة اكيد فيها ولو نثبة بسيييييطة من الكذب بقصد التجميل او الاستمرارية
ومفيش كلام بعد كلامك طبعا
وميرسى جدا ليك ولزوقك والله كلك زوق
شرفتنى ونورت المدونة يا استاذ فاروق

القمرالباكي يقول...

السلام عليكم ورحمه الله وبركاته

صباح الخير ساسوو
عامله ايه
ياريت تتوجهي لمدونتي لقبول التاج الي اهديته لكي

Malooka Yousef يقول...

كلامك جميل اوى بجد واحساسك يوصل القلب بسرعه استمرررى

ساسو يقول...

الله يا أجمل سهر
موضوعاتك كلها جميله جدا
وكل حرف من حروفك بيحمل معني
وبجد بتتكلمي عننا كلنا
ياعني كلماتك من واقع الحياه

هايله يا قمرايه
لكي باقه ورود