Falling hearts Here
سالخير عليكم كلكم
من غير مقدمات لا هتودى ولا تجيب
يا جماعه انا حاسة ان كل حاجة ضدى طب بلاش كدة
حد حس فى يوم من الايام ان أيامة بتتكرر ؟
هتقوليلى من قاعده الخزانة واللى قعداها هقولكم لا ابدا
طب اية رأيكم انى حاسة ان فى حد بيرتب مؤامرة ضدى ؟
ودة مش احساس جوايا لا دة يقين لدرجة انى بقيت اراقب كل الناس اللى حواليا بداية من ماما لحد بنت اختى اللى عندها سنة وشهرين
وكمان بقيت اشك فى ككككككككل الناس أختى وصحباتى
وما اجراكم ما اختى دى بتصهين تصهين وتطلع بمصيبة معتبرة
وحاسة ان مونتى مبتحبنيش زى من 6 سنين فاتوا
وان سمر مضطهدا كل احاسيسى
وحاسة ان مروة بتشتغل من ورايا
طب بلاش لا كدة ولا كدة تقولوا اية انى بحلم الحلم وبيتحقق ايوا الله بيتحقق
مع العلم انى بتغطا كويس جدا وبنام بالشراب كمان
طب انا بقا صحيت من كم يوم وكنت حلمت ان فى البيت عندنا بيتخانقوا كلهم مع بعض
المهم صحيت لاقيت فى وشى خربوش والله العظيم وبهدلتهم كلهم قولتلهم لما تتنيلوا تتخانقوا اتخانقوا بعيد عنى
بعدها بمفيش لاقيت اختى وماما بيتكلموا عليا ؟
اة اختى بتقولها انا حاسة ان البت دى ملبوسة
وترد عليها ماما تقولها لا سيبك من الكلام دة مفيش حاجة من دى
دى اكيد معمولها عملللللللللللللل
المهم قولت اخد البت اختى على جمب ونعمل اجتماع فوق مستوى الشبهات
وعملنا فنجانين قهوه وقولت اخد وادى معاها فى الكلام
وحكيتلها كل دة واكتر وقولتلها ان اللى بيحصل بيتكرر
وحلفتها بالله تاخد كلامى على محمل الجد قالتلى شوية كلام معجبنيش
عشان قاعده مبشتغلش وهو انا يختى كنت نازلة من بطن امى على مكتب ؟
منا طول عمرى عاطلة جت ع الكم شهر اللى اشتغلتهم
تقولى عشان مفيش فى حياتك حد تحبية ويحبك
قولتلها شووووووفتى محدش بيحبنى اهو اديكى اعترفتى
انا حاسة انى زهقت م اللى بيحصل دة وبجد دة مش نوع من انواع التهريج
لا دة بجد ومن غير اسباب مقنعه ما هو يا اما اعرف كل دة لية يا اما هأرفكم معايا
وانا فى الغتاتة مجبتنيش ولادة ومبملش ولا بزهق
شوفولى حل او سبب مقنع
ولحد هنا اغمن على الكلام بس لسة ممتش
تتمسوا بالخير
33 شربوا معايا القهوه:
سااااااااااا الخيرررررررر
مساء الجمال
مساء الهنا يا عمرى انا
وحشتينى ياقلبى اوووووووووووووى
واووووووووووووووووووووووووو
وبما إنى أول وتانى تعليق
أخد كمان تعليق
وأقولك انا شفت عقلك مقبلنى من شويه
ههههههههههههههههههههههههه
رجوع قووووووووووووى
اروح اقرء وارجع
هههههههههههههه
مش لوحدك اللى بيحصلك كده
باينها شوطه فى البنات ياجودعاااااان
اقسم بحق لا اله الا الله ان معظم ما اراه بحلمى او يقظتى بيحصل امام عينى بالتفصيل
ونفس الاقاويل اللى تقالت عنك حصلت معايا
وقالو عمل وماعملش
بصى اللى مكتوب لينا اكيد هنشوفه
ومش حرام اننا نحلم دى ابسط حقوقنا ياقمر
ان شاء الله ربنا هيعوض صبرك خير
وهتلاقى الانسان اللى يقدرك ويحبك ويحفاظ عليكى من غدر الزمن
لانك انسانه محترمه
ربنا يقويكى يارب
دمتى ودام اسمك وقلمك ياقلبى
ايناس
حبيبتى ساسو اتمسى بالف خير
ف البدايه احب اقولك لما بتتنيلى تكتبى بتجيبى سيرتى ليه هه
وثانتيا انا عايزه اطمنك خاااااااالص متقلقيش على نفسك
دى يا حبيبتى بداية وسواس قهرى اشاء الله
بجد يا ساسو مالك والله العظيم بحبك زى من 6 سنين واكتر بالعكس انا حاسه انك فعلا تستحقى حبى وحب الكل اما من حيث اللى بيحصلك ف طول عمرك لسعه..بحبك
اه نسيت اقولك حاجه
انتى المفروض تكونى مبسوطه لانك بتسعدى كتيروبتخلينا نستمتع بكل حرف بتكتبيه
ولولا فضل الله ثم انتى مكنتش قدرت حتى اعلقلك على كلماتك اللى طول عمرى بعشقها وبالنسبه لعقلك
ادينا بندور اهوه..يظهر بس واديكى رنه سلام يا حبى
عايزه حل؟
نعمل لك زار
ونطلع الجوست اللى لابسك
ههههههههههههه
P:
صعبة أوي،، لما أيامنا كلها زي بعضها
كلها قهوة مرّة
مفيش فيها حتة سكر
لا وإيه،، كل يوم القهوة نفس طعم اليوم اللي قبله،، حاجة تئرف بصراحة
طيب المشكلة ان القهوة مرّة
والمشكلة انها مش لذيذة حتى،، لأن في قهوة مرّة بيكون طعمها لذيذ
أنا شكلي خرفت تخريف ابن لذينا
يلا مش مشكلة
صباحك قشطة
بصي ياستي موضوع تكرار الايام ده طبيعي جداااااااااا... انا من كتر ما الايام شبه بعضها.. ساعات بعمل حاجات يوم التلات واجي الاربع افتكر انه لسه التلات... وتلاقيني مقتنع اني عملت الحاجات دي لسه من شوية....
حاولي تركزي في حاجة معينة.. ايه هيا مش عارف...
ربنا يفك زهقك وزهقنا
اااه وسا النووور
ساسووووووووو
مساؤك ورد وفل
مش لوحدك صدقينى وخصوصا بقى حكاية ان الايام شبه بعضها
دى بتحصل معايا كتيرررررررررررر
ربنا يتولانا بقى هنعمل ايه
وردة لعيونك يا قمراية
سالنور
ايه يابنتى الكلام الجامد ده
لالالالالالالا
انتى اكيد عليكى جنى ابن جنى عاوز يجننك
ولا يجننك ليه مانتى مجنونة وجنية انتى كمان
بس الاول اقولك انتى ليه كدة
عشان انتى فاضية وموراكيش حاجة متهيقلى لو بتصحى الساعة 5 الفجر عشان الشغل وترجعى الساعة 10 ولا 11 بالليل
مش هتلاقى وقت تتفتكرى انتى حياتك بتتكرر ولا لاء
ولما تتخانقى يوميا مع مديرك ولا مع العمال عندك فى المصنع
برضو كل اللى هتفكرى فيه حاجة واحدة بس
هى انك تطلعى عين العمال وتكونى كويسة مع مديرك
مش تقولى بتتكرر
انت اللى سكر مكرر يامكرر انت يامكرر
عزيزتى
الملل هو شعور يصيب الإنسان حينما لايجد اهدافة وطريقه يشعر بالغربة رغم انه فى منزله وبين اهله يسمع شجارهم وكأنه شجار من بعيد صدقينى لابد من ان تتغلبى على شعور الغربة الداخليه
تحياتى
انا شفته
كان ماشى مع صحبه
ايه ده هو مقالكيش قبل ما يخرج
هههههههههههه
بصى بقى اقولك حاجة بس سر ومتقولييييييش لحد
حاجات كتييييييرة من اللى قولتيها بتحصل معايا
بس بصراحة حسيت ان انا اللى بخرف وده بيتهيالى
مش اقصد انك كده
جربى تروحى لدكتور
ينفع ؟
او ممكن لو جربتى انتى تبقى صريحة مع نفسك شوية او تدورى جواكى على سبب لكده
ممكن تلاقى الحل
دورى جوا نفسك .... هتلاقى كل اللى محتاجاه
مش عارفة ايه التخاريف دى بقولها
لو فهمتى حاجة قولى لى :D
بس متديش اى حاجة اكتر من حجمها لانها فى الحالة دى هتاخد من مكان حاجة تانى من حياتك وفى حاجات كتيرة اووى فى حياتك مهمة تستحق انك تركزى عليها
المهم بقى
لو لاقيتى عقلك ابقى قولى لى
عشان اوقف البحث
هع هع هع هع هع هع
مدونة تستحق المتابعة
لكم يشرفني ان نكون اصدقاء
ادعوك لزيارة مدونتي
لقراءة موضوع:
انحطاط اللغة العربية وفساد الذوق موضوع في غاية الأهمية يتطرق الي انحطاط اللغة في الاغاني كما حصل مؤخرا في البوم ابو الليف http://badr4all.blogspot.com/
ساسوو كافيه ...
أقولك الحقيقة وماتزعليش منى :كنت حاقولها قبل ماأسمعها من أختك وماما وهى إنك ملبوسة وده شيئ طبيعى ولكن لوسمعتى الكلام حاتكونى إن شاء الله زى الفل أطلب منك أن تصومى ثلاثة أيام ورا بعض بجد طبعا تفطرى وتسحرى عادى
و تصلى ثم تدعى بالدعاء بعد الفطار :
اللهم إنى أشكوا إليك ضعف قوتى , وقلة حيلتى , وهوانى على الناس ,ياربى وأنت ربى ورب المستضعفين إلى من تكلنى , إلى بعيد يتجهمنى , أم إلى عدو ملكته أمرى , إن لم يكن بك غضب على فلاأبالى
أعوذبنوروجهك الذى أشرقت له الظلمات وصلح عليه أمر الدنيا والآخرة أن ينزل بى غضبك أو يحل على سخطك لك العتبى حتى ترضى ولاحول ولاقوة إلا بالله "
هذا الدعاء هو دعاء سيدنا محمد صلى الله
عليه وسلم فى أحلك المواقف الذى نزلت به وقد مررت بما تعانين به بالضبط وكان
هذا الدعاء والعلاج أكيد إن شاء الله
وإدعيلى معاكى " أخوك فاروق"
farouksam.blogspot.com
اولا عايزة اقولك ان دمك خفيف جدا جدا و خسارة ان لا تستغلى موهبتك تلك فى كتابة سيناريوهات للدراما
ثانيا بجد مش عارفة انتى بتكلمى جد و لا بتهزى معانا بالقصة دى لكن انصحك تتفرجى فورا على فيلم احمد حلمى آسف للازعاج لانه بيحكى تقريبا نفس اللى بتقوليه
انما لو بتكلمى جد فالحالة دى اسمها هلاوس سمعية و بصرية...و علاجها مش صعب لم استعنتى بطيبيب مختص
حبيبتي سهر
بجد قلقتيني عليكي اكتر و انتي كل شوية بتقولي انا بتكلم جد بتكلم جد
انا كنت فكراكي بتهزري بس بجد كده تعبتيني اكتر عليكي
ما تقلقيش من كل ده
ده كله ملل و فراغ مش اكتر
سيبك من التفكير في الحاجات دي
دي وساوس من الشيطان
صلي و اذكري الله و نامي متوضية و ان شاء الله لن يصيبك اي ضرر او مكروه
و سيبي الامور على الله
كله بامره
مش هنشوف الا اللي كاتبه لينا
و نعم بالله
ربنا يحميكي من كل شر يا رب العالمين
خالص حبي و تقديري
ربنا يبعد عنك اى حزن حبيبتى ويحفظك من كل شر
معلهش
ازمه وهتعدى ان شاء الله
تقبلى مرورى الاول وليس بالاخير
شذا
أنوستى
بصى سيبك من البوست بتاعى كلة
اهم حاجة انتى مش راجعه وبعدتى عن التدوين لية يا ايناس
طب افتحى الميل كلمينى انتى عارفة انا بحبك اد اية ومش مقتنعه خالص بفكرة انك هتسيبى التدوين
هستناكى يا انوسة
وانا كمان يا مونتى بحبك وعشان بحبك حاسة ان حبك ليا قل من كتر حبى فيكى حسيت كدة
فهمتى حاجة
وبعدين مش هلاوس دى يا جدعان هى ممكن تكون مثلا ابتلاء او حاجة مش مفهومة بالنسبة ليا
على كل حال ربنا كبير وان شاء الله خير
نورتينى يا بطة
ههههههههههههههه
لية كدة بس يا دودو
مكنش العشم :)
باينها هتوثل لكدة بس هخدك معايا
ههههههههههه
نسرينا
لا مخرفتيش ولا حاجة هى فعلا عاملة زى القهوة المرة اللى من غير وش كمان
بس بينى وبينك القهوة بكل عيوبها أحلى بكتير من الايام اللى الواحد عايشها دى
ههههههههههه
نورتينى يا قمر
يا ابو على يا جن مش تكرار وبس لا دى لغبطة وشحططة وتوهان كومان
ههههههههههههه
انت كمان طلعت بتكرر ايامك
وانا اقول ابو على فاهمنى لية
منورنى يا جميل
فينوس
يادى الحوسة يا ولاد هو باين كدة والله اعلم دة وباء ماشى فى البلد بييجى للبنات الحلوين الطعمين المسمسمين اللى زينا هههههههههههه
نورتى يا بنوتة
موجةةةةةةةةةةةةةةةةةةةة
اة يختى ليكى حق تقولى كدة
منتى مطلعه عين البنجلاديشيين معاكى وبتجرجريهم من ودانهم يا ظالمة يا مفترية
يا بنتى انا جربت كل حاجة تتخيليها ومتتخيليهاش ومنفعش بردك
ههههههههههه
خدى بالك منك عشان انا بحبك اوى
استاذ هشام
والله عندك حق وهحاول لعل وعسى ربنا يفرجها الف شكر ليك ودايما منورنى
ستار يا ستار يا حلوة انتى
بصى الموضوع معايا موصلش لدرجة انى افكر اروح لدكتور عارفة لية
لانى حاسة انة بيحصل لناس صحابى حواليا يعنى ومش شيفاها حالة استثنائية بعد مكتبت البوست لاقيت كتير زييى
بس هجاول اكون صريحة اكتر ويمكن نلاقى الحل
ووعد اول ملالالالالالالالالالالاقى عقلى هبعتلك على تول يا توتة
نورتينى يا قمراية
محمد بدر
انا كمان يشرفنى يافندم
وان شاء الله ازور مدونتك قريبا جدا وباستمرار نورتنى
فاروق ابن النيل
والله مش عارفة اشكر حضرتك ازاى وان شاء الله اعمل زى مقولت واكيد من قبل مجرب بدعيلك ربنا يبارك فيك الف شكر ليك ونورتنى
تيرز
يالهوى لا ياستى كلة الا فيلم احمد حلمى دة انا بشوفه من هنا وافضل اسح لحد تانى يوم
وشكلها هلاوس مرئية كمان
وميرسى ليكى يا توتة وانتى اللى اكيد دمك اخف مليون مرة
نورتينى
شفتى يا مها يا اختى يا حبيبتى القاعده بتعمل اية فى البنات الحلوين :P
ومتقلقيش عليا يا قمرايتى انا زى الفل بس قولت افضفض معاكم شوية
وربنا ميحرمنى منك ابدا يا ارق مهمومه فى الدنيا كلها
شذا
ميرسى يا بنوتة على الكلام الجميل وربنا يبارك فيكى يا رب
ونورتى المدونة كلها يا قمر واتمنى متكنش اخر زيارة
إرسال تعليق